வட்டங்களில் சுழலுது வாழ்க்கை

     வணக்கம் வாசகர்களே.. இந்த பதிவில் நமது வாகனத்தில் எப்பொழுதும் கட்டாயமாக இருக்கவேண்டிய பொருட்களை சொல்லபோகிறேன். உங்களிடம் கார் இருந்தால், நான் கீழே சொல்லப்போகும் பொருட்களில் கொஞ்சம் முன்னரே இருக்கும். இல்லாவற்றை கண்டிப்பாக வாங்கிவிடுங்கள். கார் வாங்கப்போகிறீர்கள் என்றால், இந்த பொருட்களையும் காருடன் சேர்த்து வாங்கிவிடுங்கள். ஏனென்றால், மொத்தமாக வாங்கும்போது இவற்றின் விலை குறையும்.


1.ஜம்பர் கேபிள் (Jumper Cables):

கார் வைத்திருக்கும் அனைவரும் ஏதேனும் ஒரு சமயம் எதிர்ப்பாரா விதத்தில் பேட்டரி தீர்ந்துப் போய் நிற்பார்கள். இவற்றை உங்களுக்கு உபயோகப் படுத்த தெரியாவிட்டாலும் இவை இருந்தால் எவரேனும் தெரிந்தவர்கள் இதை உபயோகித்து ஸ்டார்ட் செய்ய முடியும். இதன் ஆரம்ப விலை ரூ.600.




2.பிரஷர் பார்க்கும் கருவி (Pressure Gauge):

அனைத்து டயரிலும் சரியான காற்றழுத்தம் இல்லையென்றால் மைலேஜ் ஐ கடுமையாக பாதிக்கும். விபத்து நடப்பதற்கும் கணிசமான அளவு வாய்ப்புள்ளதால் இந்த கருவியை கண்டிப்பாக உங்களுடன் வைத்துக்கொள்ளவும். இதன் ஆரம்ப விலை ரூ.300.


3.டக்ட் டேப் (Duct Tape):

நிறைய படங்களில் யாரையாவது கடத்தும்போது வாயில் ஒட்டியிருப்பதை பார்த்திருப்பீர்கள். இந்த டேப் மிகவும் உறுதியானது மற்றும் எளிதில் கிழியாது. எதிர்ப்பாரா விதத்தில் காரின் ஏதேனும் ஒரு பகுதி உடைந்துவிட்டால் ஓட்டுவதற்கு வசதியாக இருக்கும். இதன் ஆரம்ப விலை ரூ.300.




4.முதலுதவிப் பெட்டி (First Aid Box):

அனைத்து வாகனத்திலும் கட்டாயமாக இருக்கவேண்டிய வஸ்து இது. சரியான மருந்துகள் மற்றும் பொருட்களை தனியே வாங்கி நீங்களே ஒரு முதலுதவிப் பெட்டி உருவாக்கலாம். இல்லையென்றால் கடைகளில் ஒருசேர கிடைக்கிறது. இதன் ஆரம்ப விலை ரூ.595



5.டார்ச் லைட் (Flash Light):

எந்தவொரு நெருக்கடியான கட்டத்திலும் அதிகமாக தேவைப்படுவது டார்ச் லைட் தான். ஒரு மீடியம் சைஸ் டார்ச் லைட் (பேட்டரிகள் நீக்கப்பட்டு) எப்பொழுதும் உங்கள் வாகனத்தில் இருக்கவேண்டும்.






6.ஆல் இன் ஆல் கருவி (Multi Tool):


ஆல் இன் ஆல் கருவிகள் பல இருந்தாலும், அவற்றில் 'ஸ்விஸ் ஆர்மி கத்தி' எனப்படும் கருவி பிரபலமானது. இதன் ஆரம்ப விலை ரூ.175.






7.தீப்பெட்டி (Match Box)

லைட்டராக இருந்தாலும் பரவாயில்லை.



8.தண்ணீர் பாட்டில்கள் (Empty Water Bottles):


வாகனத்தில் கண்டிப்பாக இரண்டு தண்ணீர் பாட்டில்கலாவது இருக்கவேண்டும். மினரல் பாட்டில்களோ கூல்டிரிங்ஸ் பாட்டில்களோ கண்டிப்பாக இருக்கக்கூடாது. 'தெர்மோ செட்டிங் பிளாஸ்டிக்'ஆல் செய்யப்படும் பாட்டில்களே நல்லது.



9.பாதுகாப்பு சுத்தி (Safety Hammer):

பெரும்பாலும் நாம் அனைவரும் ஜன்னல்களை மூடியப்படியே ஏ.சி போட்டுக்கொண்டு தான் பயணம் செய்கிறோம். பல கார்களில் பவர் விண்டோஸ் தான் இருக்கிறது. எதேனும் விபத்து நடக்குமாயின் ஜன்னல் கண்ணாடிகளை உடைத்து தப்பிக்க கட்டாயமாக இந்த சிறிய சுத்தி தேவைப்படும். இதனுடைய பின்பக்கத்தின் மூலம் சீட்பெல்ட் ஐ வெட்ட முடியும். இதன் ஆரம்ப விலை ரூ.300.




10.பளபளக்கும் முக்கோணம் (Reflective Triangle):

இரவில் வெளிச்சமில்லாத சாலைகள் அல்லது நெடுஞ்சாலைகளில் நமது வாகனம் நின்று விட்டால், பின்னாடி வரும் வாகனங்களுக்கு நமது வாகனம் தெரியாமல் இடித்துவிட வாய்ப்புகள் அதிகம் உள்ளது. மோட்டார் வாகன சட்டப்படி, இரவு நிற்கும் வாகனங்கள் கண்டிப்பாக ஒரு மீட்டருக்கு முன்பு இந்த முக்கோணத்தை வைக்க வேண்டும். ஒருவேளை எவரேனும் இடித்துவிட்டால். காப்பீட்டை கோர முடியாது. எனது நண்பருக்கு இந்த சம்பவம் நடந்து பிறகு அதை சரிசெய்ய ரூ.20000 செலவிட்டார். இதன் ஆரம்ப விலை ரூ.450.



11.காலி கேன் (Empty can):

எப்பொழுதும் உங்கள் வாகனத்தில் ஒரு காலி கேன் இருக்க வேண்டும் (குறைந்தபட்சம் 5லி அளவிலானது). கண்டிப்பாக இதில் உங்கள் எரிப்பொருளை தவிர வேறு எதையும் நிரப்பக்கூடாது. அவ்வபோது இவற்றில் ஓட்டை இருக்கிறதா என்று சோதித்துக்கொள்ளுங்கள்.


12.பெரிய குடை (Umbrella):


அந்த காலத்து பெரிய குடை அளவு இருக்கவேண்டும். இல்லையென்றால் சிறியவை இரண்டு.






13.போர்வைகள் (Blankets)


14.கைத்துண்டு (Towel)








15.பணம் (Emergency Change):

சில்லறைகள் கொஞ்சம் கட்டாயமாக வாகனத்தில் இருக்கவேண்டும். அவற்றை எக்காரணத்தை கொண்டும் அவசரமில்லாத நேரத்தில் எடுக்காதீர்கள்.





16.பேப்பர் & பேனா (Paper & Pen)










17.கார் சார்ஜர் (Car USB charger):

நீண்ட தூர பயணத்தின்போது நமது கைப்பேசி திடீரென்று சார்ஜ் தீர்ந்து நின்று அணைந்துவிடும். ஆல் பின் சார்ஜர்களும் கிடைக்கின்றது. இவற்றின் ஆரம்ப விலை ரூ.130







18.டிஷ்யூ பேப்பர்கள் (Tissue Papers):

இவற்றின் ஆரம்ப விலை ரூ.60.






 
     நான் மேலே குறிப்பிட்டிருக்கும் பொருட்கள் வாகனத்தில் இருந்தால் பல நேரங்களில் கண்டிப்பாக உங்கள் நேர விரயத்தையும் பண விரயத்தையும் தவிர்க்கலாம். சென்னைவாசிகள் G.P ரோட்டிற்கு சென்றால் நிமிடத்தில் இவற்றை வாங்கிவிடலாம். மற்றவர்கள், இவற்றில் சில பொருட்கள் உங்கள் பகுதியில் கிடைக்கவில்லை என்றால் ஆன்லைனில் ஆர்டர் செய்து வாங்கிக்கொல்லாம்.

இந்த பொருட்களை ஆன்லைனில் வாங்க சில இணையதள முகவரிகள்:
http://www.ebay.in/
http://www.amazon.in/
http://www.snapdeal.com/

உலகில் இன்று அனைத்து துறையிலும் கலக்கிக்கொண்டிருப்பதை பற்றி தான் சொல்லப் போகிறேன். ஃபேன், ஏ/சி, சினிமா எனத் தொடங்கி மனிதர்கள் வரை சகலத்திலும் தனது மூக்கை நுழைத்து ஆட்டிப்படைக்கிறது. அட.. அதாங்க.. 'ரேட்டிங்'
//உங்கள் கருத்துக்கள், சந்தேகங்கள், ஆலோசனைகள் ஆகியவற்றை பின்னூட்டமாக போடுங்கள். நல்லாயிருந்தா ஒரு ஓட்டு போடுங்கள்//

இந்த காலத்தில் கார் இல்லாத வீடே இல்லை என்பது போல் ஆகிவிட்டது. முன்பெல்லாம் பெரும் பணக்காரர்கள், அதிகாரிகள் வசமிருந்த கார்கள் தற்போது சாமானியர்களுக்கு கூட எட்டும் வண்ணமே உள்ளது.

கார் வாங்க முடிவெடுத்துவிட்டால் போதும்.. குடும்பத்தலைவருக்கு உறவினர்கள், நண்பர்கள் மட்டுமல்லாது நமக்கு எப்பொழுதோ லிஃப்ட் கொடுத்தவர்கள் என அனைத்து மட்டத்திலிருந்தும் ஆலோசனைகள் குவிந்துவிடும். அதுவரை நம்மிடம் பேசாத நண்பன் கூட அறிவுரைகளை அள்ளி தெளிப்பான். அந்த ஆலோசனைகளை கேட்க கேட்க நமக்கு ஒருப்பக்கம் உற்சாகமும் ஒரு பக்கமும் பயமும் வந்து சேர்ந்துவிடும்.

சமீபத்தில், தங்கள் கனவு வாகனத்தை பல லட்சங்கள் கொடுத்து வாங்கி விட்ட  பிறகு அது தரும் தொல்லைகள் தாங்காமல் அதனை பாதி விலைக்கு விற்கும் பல மனிதர்களை சந்தித்தேன். அவர்கள் செய்த முக்கியமான தவறு மற்றவர்கள் சொல்லும் ஆலோசனைகளை மட்டும் கருத்தில் கொண்டு கார் வாங்கியது தான்.

நெருங்கிய நண்பனுக்கு வாய்த்த தொல்லை தராத காரை நாமும் வாங்கினால் பின்பு பிரச்னை வராது என்று நினைத்தால் அது மிகவும் தவறு. ஏனென்றால் அவருடைய தேவைகள் வேறு. உங்களின் தேவைகள் வேறு. எனவே கார் வாங்கவேண்டுமென்று முடிவெடுத்துவிட்டால் குறைந்தது இரண்டு மாதங்களாவது ஆராயுங்கள். இணையதள தேடலோடு நின்று விடாமல் ஒன்றுக்கு மேற்பட்ட ஷோரூம்களை பார்வையிட மறந்துவிடாதீர்கள்.

ஷோரூமுக்கு வந்தாயிற்று. அங்கே இருக்கும் விற்பனை அதிகாரி அங்கே நிற்கும் காரை உங்களது கனவு கார் என்று விவரிப்பார். எல்லா ஷோரூம்களிலும் அவர்களது காரை நன்றாக பாலிஷ் போட்டு அலங்கார விளக்குகள் வைத்து மிகவும் அழகாக காட்டுவார்கள்.  அதை பார்த்து உண்மையாக மயங்கினாலும் அவர்களது முன் காட்டிக்கொள்ள வேண்டாம். முக்கியமாக 'எனக்கு எதுவும் தெரியாது' என்பது போல நிற்கவேண்டாம்.

காரை உங்களிடம் காட்டியவுடன் டிரைவர் சீட்டில் அமர்ந்து உங்களுக்கு வசதியாக இருக்கிறதா என்று பார்த்துகொள்ளுங்கள். அந்த காரை பற்றி நீங்கள் முன்பே இணையதளத்தில் பார்த்த குறைகளை விற்பனை அதிகாரியிடம் கேட்க தவறாதீர்கள். இந்த சமயத்தில் தான் பல நபர்கள் ஏமாற்ற  படுகிறார்கள். நீங்கள் கேட்கும் கேள்விகளுக்கு புரியாத சொற்களை கொண்டு விளக்குவார். நன்றாக நினைவில் கொள்ளுங்கள், அந்த சொற்கள்தான் உங்களின் மகிழ்ச்சியை நிர்ணயிக்க போகிறது.

அவற்றில் சிலவற்றை உங்களுக்கு சொல்கிறேன்...

AIRBAG::


இதனை பற்றி நான் முன்பே ஒரு பதிவில் விளக்கமாக எழுதியுள்ளேன். பார்க்க-- http://sibhikumar.blogspot.in/2011/02/blog-post_21.html

என்னுடைய தனிப்பட்ட வேண்டுகோள். வாழ்க்கை நிலையற்றது. பாதுகாப்பாக இருக்கவேண்டியது நம் கடமை. எனவே நீங்கள் வாங்கும் காரில் கட்டாயமாக காற்றுப்பைகள் இருக்கும்படி பார்த்துகொள்ளுங்கள்.

ABS (Anti Locking Braking System)::


அதி வேகத்தில் கார் செல்லும்போது பிரேக்கை பிடித்தால் டயர் லாக் ஆகிவிடும். இதுவே Toppling (அதாவது அந்தர் பல்டி) ஆவதற்கு மூல காரணம். ABS என்னும் இந்த தொழில்நுட்பம் இதனை கட்டுபடுத்துகிறது. அதாவது டயர் லாக் ஆகாமல் இந்த தொழில்நுட்பம் பார்த்துக்கொள்கிறது.

EBD (Electronic Brake Force Distribution)::


இதுவும் ABS னுடைய ஒரு அங்கம். நாம் கொடுக்கும் பிரேக்கை  வண்டியின் எடையை பொறுத்து சமமாக முன் வீலுக்கும் பின் வீலுக்கும் பங்களிப்பது தான் இந்த தொழில்நுட்பத்தின் வேலை.

2-DIN Music system::


இதை பற்றி தெரிந்தால் நீங்களே வாய்விட்டு சிரிப்பீர்கள். ஆடியோ சிஸ்டத்தின் அளவை குறிப்பிடும் சொற்களே 1-DIN , 2-DIN ஆகும். இதனை மிகவும் பெரிய வசதியாக விற்பனை அதிகாரி விவரிப்பார்.

Keyless Entry::


சோம்பேறித்தனத்தின் எல்லை தான் இது. சாவியை பாக்கெட்டில் வைத்திருந்தால் போதும். நாம் காரை நெருங்கும்போது தானாகவே பூட்டு திறந்து கொள்ளும். உள்ளே சென்ற பிறகு கூட சாவியை போட தேவையில்லை. வண்டிக்குள் சாவி இருந்தால் போதும். Start/Stop பட்டனை தட்டினால் தானாகவே ஸ்டார்ட் ஆகிவிடும்.

Immobilizer::


காரின் உண்மையான சாவியில் (டூப்ளிகேட்டையும் சேர்த்து) ரகசிய எண்கள் பொறிக்கப்பட்டிருக்கும். அந்த எண்கள் காரின் ரகசிய எண்களோடு பொருந்தினால் மட்டுமே ECU (Engine Control Unit) பணிசெய்யும். அச்சு அசலாக டூப்ளிகேட் சாவி செய்தால் கூட கதவை மட்டுமே திறக்க இயலும். இது ஒரு வெற்றிகரமான பாதுகாப்பு அம்சம். ஜெர்மனியில் 1998 ஆம் வருடமே இது அறிமுகபடுதினாலும் இந்தியாவிற்கு வந்தது சமீபத்திலே.

Cruise Control::


ஹைவேயில் செல்லும்போது ஆக்சிலேட்டரை மிதித்து கொண்டேயிருப்பது வெறுப்பாக இருக்கும். க்ருஸ் கன்ட்ரோல் வசதி இருந்தால் நாம் சொல்லும் வேகத்தில் ஆக்சிலேட்டரை லாக் செய்ய முடியும். இதனை ஆஃப் செய்ய கிளட்ச் 'ஐ பிடித்தால் போதும்.

இன்னும் நிறைய இருக்கிறதென்றாலும் இவையே முக்கியமானது. எனவே 'சூதானமா இருங்க மக்களே..!!!'

மரியம் பிச்சையின் உயிரிழப்புக்கு பின் அதனை தொடர்ந்து நிறைய சந்தேகங்களும் குழப்பங்களும் ஏற்பட்டுள்ளது.

திருச்சியிலிருந்து சுமார் 40 கி.மீ. தள்ளி நடந்திருக்கும் இவ்விபத்திற்கு முன், அமைச்சரின் வாகனத்திற்கு பாதுகாப்பாக ஒரு எஸ்கார்டு வண்டியே அனுப்பப்பட்டுள்ளது.


இவ்விபத்தை வேறு விதமாக யோசிக்கும் போது விதி விளையாடிருப்பது நன்றாக தெரியும். திருச்சியில் விழாவை முடித்துவிட்டு வழக்கமான தனது 'ஸ்கார்பியோ' காரில்தான் சென்னைக்கு பயணத்தை தொடர்ந்தார். நடு வழியில் 'இனோவா' காருக்கு மாறிவிட்டு 'ஸ்கார்பியோ'வை வீட்டிற்கு அனுப்பிவிட்டார். அடுத்த பத்தாவது நிமிடம்... மணியாகிவிட்டது என்று வேகமாக சென்றுகொண்டிருந்த 'இனோவா' முன்னே சென்றுக்கொண்டிருந்த லாரியின் பின்புறத்தில் இடித்து விபத்துக்குள்ளானது.

சற்றே விரிவாக 'இனோவா'வின் டிரைவர் ஆனந்த் சொல்லும்போது, "மணியாகிவிட்டது என்று வேகமாக செல்லும்போது முன்னே சென்று கொண்டிருந்த 'கன்டெய்னரை' முந்தும் விதமாக ஹாரனை அடித்து கொண்டே சாலையின் வலதுபுறத்தில் அதை முந்த முயன்றேன். திடீரென்று அந்த கன்டெய்னரும் வலதுபுறமாக திரும்பியதால் அமைச்சர் உட்கார்ந்திருந்த, அதாவது காரின் இடதுபுறத்தில் இடித்தது" என்கிறார்.

இந்த விபத்தை பார்த்த சாட்சி, இடித்தது 'டிப்பர்' லாரி என்று சொன்னார். எனவே சி.பி.ஐ. டோல்கேட்டுகளில் இரண்டு வகையாகவும் விசாரித்து வந்தனர். இவ்விரண்டு வகை லாரிகள் அனைத்தையும் விசாரித்த பின் அனைத்து லாரிகளையும் விசாரிக்க துவங்கினர்.

'டாரஸ்' வகை லாரி

பிடிபட்ட லாரி!

ஒரு மணிநேரத்திற்கு முன்னால்...

...பின்னர்

அத்தியாவசிய பொருள்களின் விலை அதிகமாகிக்கொண்டிருப்பதை போலவே வெயிலின் தாக்கமும் தினம் தினம் அதிகமாகிக்கொண்டிருக்கிறது. இந்த வெயிலினால் விரைவில் நாம் சோர்ந்துபோகிறோம். அதிலும் வெளியூர் பயணங்கள் நம்மை மிகவும் வாட்டுகிறது.

பேருந்துகளில் செல்லும்போதுதான் அவற்றின் தாக்கம் அதிகமாக உள்ளது. ஒருசில சொகுசு பேருந்துகளை தவிர அனைத்து பேருந்துகளிலும் 'ரெக்சின்'  இருக்கைகள் தான் உள்ளது. இவை மேலும் எரிச்சலாக இருக்கும்.

எனவே வெளியூர் பயணங்களுக்கு பேருந்துகளில் செல்வதை முடிந்த வரை தவிர்த்து கார் பயணங்களையே அனைவரும் விரும்புவீர்கள். இனிமேல் உங்களுக்கு சில டிப்ஸ்.

சொந்தமாக கார் வைத்திருப்பவர்களுக்கு...

• உங்களின் பயணத்திற்கான வழித்தடங்களை முழுவதுமாக முன்கூட்டியே முடிவு செய்துவிடுங்கள்.
• நீங்கள் இரவு நேரத்தில் ஓட்டிய அனுபவம் இருந்தாலொழிய நீங்கள் இரவு நேரத்தில் ஓட்டாதீர்கள். வாடகை ஓட்டுநர்கள் அமர்த்தி நீங்கள் சுகமாக செல்லுங்கள்.
• வெயில் காரில் ஏ.சி. உபயோகிக்கும்போது மினிமம் ஸ்பீடிலேயே உபயோகிங்கள்.
• வெயிலில் காரை பார்க் செய்துவிட்டு நீண்ட நேரம் கழித்து வந்தீர்களானால், காரின் ஜன்னல்களை திறந்துவிட்டு ஏ.சி. யை கொஞ்ச நேரத்திற்கு ஆன் செய்யுங்கள். இதனால் அதிகரித்த காரின் தட்பவெட்பம் சமமாகும். பிறகு ஜன்னல்களை மூடிவிட்டு ஏ.சி. யை ஆன் செய்துவிட்டு உங்கள் பயணத்தை தொடருங்கள்.
• முடிந்தவரை அடிக்கடி வழியில் தென்படும் இயற்கை பழச்சாறுகளை பருகுங்கள்.
• ஏ.சி. பயன்படுத்தினால் மைலேஜ் கணிசமாக குறையுமென்பதால், இரவில் செல்லும்போது ஏ.சி. யை பயன்படுத்தாமல் ஜன்னல்களை திறந்துவிட்டு ஃபேன்களை பயன்படுத்துங்கள்.

வாடகை காரை பயன்படுத்துபவர்களுக்கு...

• முடிந்தவரை 'டிராவல் ஏஜென்சி'களிடமிருந்தே வண்டியை எடுங்கள். சொன்ன நேரத்திற்கு சரியாக வந்து சேர்வதோடு மட்டுமில்லாமல் தங்களால் வரமுடியாத சூழ்நிலைகளில் வேறு வண்டியை ஏற்பாடு செய்துவிடுவர்.
• உங்கள் குடும்பம் ஐந்து உறுப்பினர்களை கொண்டதாக வைத்துக்கொள்வோம். ஐந்து நபர்களுக்கு சரியாக இருக்கும் வண்டிகளை (அதாவது... இண்டிகா, அம்பாசிட்டர்...) எடுக்காமல் சற்று பெரிய காராக (அதாவது... சுமோ, இன்னோவா, டவேரா...) எடுங்கள்.
• வண்டியை புக் செய்யும்போதே ஏ.சி. வேண்டுமென்று சொல்லிவிடுங்கள். ஏ.சி. க்கு எவ்வுளவு பணம் அதிகமாக கொடுக்கவேண்டுமென்பதையும் முன்பே பேசிவிடுங்கள்.

புதிதாக கார் வாங்குபவர்களுக்கு...


புதிதாக கார் வாங்குபவர்கள் அடர் நிறங்களான கருப்பு, சிவப்பு, ஆரஞ்சு ஆகிய நிறங்களை தவிர்த்து விடுங்கள். ஏனென்றால் இந்த நிறங்கள் சூட்டை இழுத்துக்கொள்ளும். அதற்கு பதிலாக கண்களுக்கு குளிர்ச்சியளிக்கும் நிறங்களான வெள்ளை, சில்வர், மெல்லிய நீல நிறம் ஆகியவை சிறந்தது.

முதலில் வருவது Hatch Back...
கார் வாங்கவேண்டும் என்று தோன்றியவுடன் நம் நினைவுக்கு வருவது இவ்வகை கார்களே. எல்லா நாடுகளிலும் இவ்வகை கார்கள் தவழும். இவையனைத்தும் 4-5 பேர் பயணிக்கும் கார்கள்.

காரின் பின்புறம் அமுங்கி இருப்பதால் இதற்கு Hatch Back என்று பெயரிட்டனர்.

அடுத்தது Sedan..
Sedan' க்கும் Hatch Back' க்கும் சிறிய வித்தியாசம் தான். Hatch Back' இன் பின்புறத்தை கொஞ்சம் 'இழுத்த' மாதிரி இருக்கும். மத்த எல்லா வசதியும் Hatch Back போலதான். Sedan' இல் உள்ள ஒரு வசதி- பின்புற ஸ்டோரேஜ் இடம் பெரிதாக இருக்கும்.

சில வாகன உற்பத்தியாளர்கள் ஒரு மாடலை Sedan' ஆகவும் Hatch Back' ஆகவும் புத்திசாலியாக வெளியிடுவார்கள். பெரும்பாலும் இந்த முயற்சி வெற்றியடைந்துவிடும்.
எ.கா. Tata Motors 'இண்டிகா' மற்றும் 'இண்டிகோ' வையும் இதுமாதிரி வெளியிட்டு பெரும் வெற்றியடைந்தார்கள். தற்போது வெளியிடப்பட்ட 'இண்டிகா விஸ்டா' மற்றும் 'இண்டிகோ மான்சா' வையும் இதுப்போல வெளியிட்டுள்ளார்கள்.

அடுத்து வருவது SUV...


Bugatti Veyron- உலகில் விலை அதிகமான கார்- 23 கோடி ரூபாய்


 //உங்கள் கருத்துக்கள், சந்தேகங்கள், ஆலோசனைகள் ஆகியவற்றை பின்னூட்டமாக போடுங்கள். நல்லாயிருந்தா ஒரு ஓட்டு போடுங்கள்//